Nikolayla tanış olun. Onun 23 yaşı var. Səhər TikTok lentini vərəqləyir və müasir gənclər haqqında çəkilmiş seriyalar üçün dəli olur. Uzun müddət mobil telefon mağazasında satış məsləhətçisi kimi çalışıb. Amma artıq yorulub.
Nikolay bloknotunda və ya Photoshop-da rəsm çəkməyi sevir. O, boş vaxtlarında Photoshop-la məşğul olur, əsas alətləri və əmrləri istifadə edə bilir.
Hazırda Nikolay yeni bir işə başlamaq üçün ilham mənbəyi axtarır. Tanışlarından qrafik dizayner kimi işləyə biləcəyini eşidib. Bu haqda məlumat və təlim kursu axtarmağa qərar verib. O yalnız faydasız materialı öyrənməyə çox vaxt və pul sərf etməmək, eləcə də mürəkkəb işlərə rast gəlib ruhdan düşməmək haqqında düşünür.
Biz Nikolaya qrafik dizaynerin kim olduğunu və nə etdiyini söylədik. Və ən əsası, biz ona müəllimlərdən yalnız nəzəriyyəni və ev tapşırığının yerinə yetirilmə qaydasını öyrənməklə kifayətlənməməyin, müştərilərlə işləməyin nə qədər zəruri olduğunu izah etdik.
Qrafik dizayner yalnız qrafika üzərində işləmir
Nikolay dizayner peşəsi ilə bağlı uzun izahları dinləmək istəmədi. O, sadə dildə danışmağımızı üstün tutdu. Karyera quruculuğunun əməllər siyahısını istədi.
Qrafik dizaynerin vəzifəsi anlayışları, düşüncələri və duyğuları görüntü vasitəsilə ötürməkdir. Yazıçılar kitab personajlarını psixoloji xüsusiyyətlər, kəskin epitetlər və iti metaforalar vasitəsilə təsvir etdikləri kimi.
Başqa sözlə, qrafik dizaynerlər görüntü vasitəsilə ünsiyyət qururlar. Müştərilərin istəyi ilə onlar layihənin ideyalarını və dəyərlərini çatdıracaq, şirkətin nüfuzunu və ya malın və ya xidmətin özünəməxsusluğunu göstərməyə kömək edəcək istənilən görüntüdən istifadə edirlər.
Sizi dizaynerin gördüyü işlərin bir hissəsi ilə tanış etmək istəyirik: logo, reklam banneri, reklam vərəqi, brendbuk, plakat, broşur, sosial şəbəkələr üçün şəkil, korporativ kitab üçün üzlük.
İndi siz qrafik dizaynerin işinin yalnız rəsm çəkməkdən ibarət olmadığını başa düşürsünüz. O, rəssam deyil. Heç proqramçı da deyil. O həm usta, həm də menecerdir.
Həvəskarı peşəkardan yalnız 5 addım ayırır
Nikolay üçün qrafik dizayn yalnız bir hobbi kimi maraqlı deyil. O, pul qazanmaq istəyir. Biz bu yolda onu dəstəkləyirik.
Nikolayın karyerasının başlanğıcı üçün biz 5 bənd qeyd etdik. Onlar hər şeyi yerbəyer edir: bu peşə maraqlıdırmı, onu öyrənmək istəyirsinizmi və ona qiymətli vaxtınızı və pulunuzu sərf etməyinizə dəyərmi.
Səviyyə 1. Qrafik Dizayn prinsiplərini öyrənin
Dizaynın əsasını iyerarxiya təşkil edir. Onsuz yaxşı logo hazırlamaq olmaz, maket yaradarkən onsuz elementləri düzmək olmaz. O hökmən nəzərə alınmalıdır.
Siz qrafik redaktorlardakı düymələri sıxaraq peşəkar dizayner ola bilərsiniz. Lakin dizayn prinsiplərini işdə necə tətbiq edəcəyinizi bilmirsinizsə, yaxşı nəticə əldə edə bilməzsiniz. Siz həvəskar səviyyəsində qalarsınız.
Həvəskar dizayner iyerarxiya, kompozisiya, şriftlər, rənglər və digər parametrlərin nə olduğunun xırdalıqlarını bilmir. İşi özünün gördüyü kimi icra edir. Və ya başqalarının nümunəsindən istifadə edir ki, bu da bəzi hallarda doğru olmur.
Rəssamlıq bacarığı inkişaf etdirilir, lakin digər bacarıqlar axsayır. Bu dizayner heç bir layihəni sıfırdan sonadək müstəqil şəkildə işləyə bilməz. Müvafiq olaraq onun işləri on az qazanc gətirir.
Səviyyə 2. Qrafik proqramlarda işləyin
Qrafik dizayner kağız vərəqinin nə olduğunu artıq unudub. O, layihələri çertyoj qovluqlarında və ya kağız sənədlərində təhvil vermir. O, işdə kompüter proqramlarından, yəni qrafik, video, animasiya redaktorlardan istifadə edir.
Müəyyən bir proqramın digərlərindən üstün olub-olmadığını təyin etmək mümkün deyil. Onların hər birinin öz məqsədi, platforması, müsbət və mənfi cəhətləri var: foto və 2D qrafika üçün Photoshop, maketlər, bannerlər və reklam işləri üçün Figma, vektor qrafikası üçün Illustrator. MacBook-dan istifadə edirsinizsə, Sketch-də işləyə bilərsiniz.
Bəzi proqramların (Figma və Sketch) alət və parametrləri oxşardır. Bu çox yaxşıdır. Belə ki, hər bir proqramı ayrı-ayrılıqda öyrənməyə ehtiyac qalmır. Müştəri müəyyən bir proqramdan istifadə etmənizi və layihəni ona müəyyən bir formatda təhvil vermənizi istəsə, siz artıq nə edəcəyinizi bilirsiniz. İstənilən vəziyyətə uyğunlaşmağı bacaran bir əməkdaşın dəyəri digərlərinkindən əhəmiyyətli dərəcədə artıq olur.
Qrafik dizayn kursunda biz tələbələrə Adobe şirkətinin Photoshop və Illustrator proqramlarında işləməyi öyrədirik. Bu proqramların işini bilməklə siz həm Axure, həm də Figma proqramında işləməyi asanlıqla öyrənəcəksiniz.
Unutmayın ki, rəssam karandaşsız və ya fırçasız, qrafik dizayner isə proqramsız işləmir.
Səviyyə 3. Təcrübə toplayın
Nikolay yavaş-yavaş dizayn nəzəriyyəsini öyrənir, artıq Photoshop-da da işləyir. Lakin sadəcə öyrənməyin heç bir mənası yoxdur. Bilik əməllər, beyin düşüncələri və əl hərəkətləri dəstəklənməlidir.
Təcrübə toplamağa başlayın. Biz sizə loqotip-dən başlamağı məsləhət görürük. Çox sadə bir loqotip hazırladığınız zaman siz dizaynın iyerarxiya, şrift, rəng və ölçü kimi bütün əsas prinsipləri ilə tanış olursunuz.
Loqotiplərdən hər yerdə istifadə olunur. Məsələn, vizit kartlarında, internet saytlarında. Bir məqaləni oxuduğunuz sayta daxil olduğunuz zaman siz sol üst küncdə mavi STEP IT Academy nişanını görmüsünüz. O da bir loqotipdir.
Özünüz və ya ailə üzvləriniz üçün bir loqotip hazırlayın. Yeni biznesə başlayan dostlarınızdan və tanışlarınızdan onların unikal dizayn elementinə ehtiyacı olub-olmasını soruşun. Həqiqi dizayn layihələri daha sürətli təlim almağa və təcrübə qazanmağa imkan verir.
Səviyyə 4. Başqalarından öyrənin
Rəssam kimi, dizayner də öz ideyalarını fantaziyasından çox nadir hallarda götürür. Çox vaxt layihə mövcud modellərin parçalarından yaradılır: burgerin forması və ya avtobusun parlaq rəngləri. Bu səbəbdən də xırdalıqlara diqqət yetirməyiniz lazımdır.
Təcrübəli həmkarlarınızın işinə diqqət yetirin. Sadəcə baxmaqla kifayətlənməyin, zəruri suallar verin:
- Layihənin xüsusiyyətləri nədir?
- Onu gözəl və təsirli hala salan nədir?
- Yalnız layihəyə tamaşa etmək deyil, həm də elementlərin necə istifadə olunduğunu, müştərini maraqlandıran məqamları anlamaq lazımdır.
Mükəmməl qrafik dizayn nümunələrinə nə qədər çox baxsanız, dizayn prinsiplərini bir o qədər yaxşı başa düşərsiniz. Bundan əlavə, dizayn nümunələrinə diqqətlə baxdıqca siz düşüncələrinizi qruplaşdırırsınız. Sonra öz üslubunuz meydana gəlir. Həmin üslub sizin də, müştərinizin də zövqünə uyğun olur.
Behance.net saytındakı işlərlə tanış olun, İnstagram dizaynerlərini izləyin. İnternetdəki dizayner icmalarına qoşulun.
Səviyyə 5. Portfolio tərtib edin
Şəkil
Nəzəriyyə, təcrübə və müşahidəniz var. Deməli, portfolio hazırlamaq vaxtıdır!
Qrafik dizaynerin portfoliosu onun ən yaxşı əsərlərinin toplusudur. Müştəri üçün sizin ortabab işi necə görməyiniz və ya harada səhv etməyiniz maraqlı deyil. Ona işləri mükəmməl olan bir mütəxəssis lazımdır. Sizin hər işiniz maraqlı və cəlbedici olmalıdır.
Xülasə
Hər kəsin səhvi olur. Ancaq hər kəsin işə yanaşması fərqlidir.
Çoxları motivasiyasını itirərək bu yolu sonadək keçməkdən imtina edir. Yorulmadan işləyənlər, lakin heç bir fayda götürməyən də olur. Bunun səbəbi onların heç bir məqsəd görməməsi və ilham mənbəyi tapmamasıdır. Bunu peşəkarlar deyil, məhz həvəskarlar edir.
IT STEP Kompüter Akademiyasının qrafik dizayn kursunda Nikolay qrafik dizayner peşəsinin yalnız ürəyə yatan bir iş deyil, həm də bir sənət olduğunu öyrənib. Onun üçün heç bir ilham mənbəyinə ehtiyac yoxdur. Əlinizdə bir layihə olur və siz onun üzərində işləyirsiniz. Siz bu prosesdən zövq alırsınız! Bunu həvəskarlar deyil, məhz peşəkarlar edir.
Durmadan hərəkət edin! Bu link vasitəsilə kursun proqramı ilə tanış olun. Qrafik dizaynla yanaşı sizi montaj, animasiya və 3D kursları şəklində bonuslar gözləyir.
