Məqalədə biz iş və IT təlimi arasında tarazlığın necə qurulacağına dair tövsiyələrə baxırıq. Şirkətə yeni ideyalar gətirməklə və ya təliminizi uğurla başa vurub IT sahəsinə daxil olmaqla siz rəhbərliyin hörmətini qazana bilərsiniz.
Bu üsulları bir-bir istənilən ardıcıllıqla tətbiq edin. Təlim kursuna bir-iki saat vaxt ayırmağınız üçün hətta bir məsləhət də kifayətdir.
İş və təhsillə birgə məşğul olmağın çətinliyindən şikayətlənməyin
Birincisi və ən əsası dərsdən sonra işə getməyin, daha sonra isə işdən gəlib ev tapşırıqlarının yerinə yetirməyin sizin üçün nə qədər çətin olduğunu heç kimə söyləməməlisiniz. Siz kiminsə sizə yazığı gəlməsini istəyirsiniz, qarşıdakının isə öz problemləri var.
Bunun müqabilində sizin öz addımlarınızı tərifləməyiniz daha yaxşı olar: “Bu gün mən həmişəkindən 15 dəqiqə tez oyandım və dərsimi təkrarladım. Artıq rahatca işə gedə bilərəm. Afərin mənə”.
Hər səhər və hər axşam, eləcə də hər bir işin öhdəsindən gəldikdən sonra öz ürəyinizdə bunu və ya buna bənzər sözlər söyləyin. Səhərdən axşamadək, səhər yuxudan oyanandan gecə yatağa girənədək.
Öz təhsilinizlə az-az olsa da, hər gün məşğul olun
Tutaq ki, siz bazar ertəsindən cümə gününə qədər işləyirsiniz. 8 saatlıq standart iş gününüz var. Belə bir sıx cədvəldə dərs oxumağa vaxtınız qalmır. Siz çıxış yolu axtarırsınız: "Şənbə gəlir. Mən sakitcə oturub 3-4 saat ərzində bir neçə mövzunu öyrənəcəm. Ev tapşırıqlarını yerinə yetirəcəm və gələn həftəsonuna qədər sərbəst olacam". Bu, pis fikirdir. Səbəbini izah edirik.
İdman zalına ilk dəfə getməyinizi xatırlayın. Bədəninizin bütün əzələlərinin fayda alması üçün çoxlu məşq etdiniz. Növbəti məşqinizi səbirsizliklə gözlədiniz.
Növbəti günün səhəri belə başladı: "Bütün bədənim ağrıyır. Lifti gözləyir və heç yerə tərpənmirəm. Pilləkənlə çıxmaq bu gün mənlik deyil". Bir həftə belə ağır məşq etdikdən sonra əzələ ağrısı səbəbindən adam idman zalına ziyarəti bir qədər sonraya saxlayır. O, növbəti məşqi bir aydan sonra başlayır və ya ümumiyyətlə unudur.
Təhsildə də belədir.
Gündəlik təlimin qrafiki. Biliklərin mənimsənilməsi dərəcəsi kimi, irəliləyiş də qeyri-müntəzəmdir.
İstirahət günü ərzində bir neçə mövzunu öyrənirsiniz. Ancaq bununla kifayətlənmək olmaz, bilikləri praktika tətbiq etmək lazımdır. Materialı oxuyursunuz, ancaq beyin aşırı yüklənir. İdmançıların dili ilə desək, mikrotravma alır.
Luiziana Universitetinin alimləri də həftəlik materialı bir gün ərzində öyrənməyin səmərəsiz olduğunu təsdiqləyir. Onlar yeni materialın öyrənilməsinə gündə 50 dəqiqədən çox vaxt sərf edilməli olmadığını aşkar ediblər. 50 dəqiqədən sonra beyin yeni məlumat qəbul etmir.
Addım-addım siz uzun bir irəliləyiş qrafiki qurursunuz.
Çıxış yolu hər gün təlimə 30-50 dəqiqə ayırmaqdır. Dərsinizlə hər gün az-az məşğul olun. Əgər hər gün bu qədər vaxt ayıra bilmirsinizsə, gündəlik işlərinizə bir az düzəliş verin: qida qəbuluna çox vaxt sərf etməyin, işə piyada deyil, avtobusla gedin, evdəki iti gəzintiyə qoy ailənin digər üzvləri çıxarsın.
Dərsinizlə hər gün bir neçə dəfə məşğul olun. Məsələn, səhər və axşam
Axşam vaxtında yuxuya getməyiniz, səhər təravətli və gümrah olmağınız deməkdir. Beyniniz hələ gündəlik işlərlə yüklənməyib, məlumat daha yaxşı qəbul edilir.
IT STEP Kompüter Akademiyasında dərs cədvəli seçdiyiniz proqramdan və təhsil formasından asılı olaraq, həftədə 3 dəfəyədək səhər və axşam təlim ala biləcəyiniz şəkildə qurulmuşdur.
Kursun tələbələri üçün onlayn dərs cədvəli
Səhər-axşam parçalanması sizin üçün uyğun deyilsə, digər variantları sınayın: səhərlər və nahar zamanı, işdən sonra və yatmazdan əvvəl.
Həyatınızı planlayın
Vaxta nəzarət etməyəndə, boş vaxt tapmaq çətin olur:
1. İtlə gəzintisi bir və ya iki saat çəkdi.
2. Səhər yeməyinə təxminən 40 dəqiqə sərf olundu.
3. İşdən sonra dostlarla birlikdə kafeyə getdik. Həftəsonu nə edəcəyimizi və ya Marvel filmlərindən hansının uğurlu olduğunun müzakirəsinə saat yarım-iki saat sərf etdik.
Hər gün belədir. Vəziyyətin dəyişməsi vaxt itkisinə səbəb olur. Siz isə həyatın necə keçdiyini hiss etmirsiniz. Hədəf təyin etmədən və gündəlik həyatınıza dair plan qurmadan.
Səhərə dair iş cədvəli qurun. Həmin cədvəldə aşağıdakılar olmamalıdır: İnstagram-da storisə baxış, elektron poçta giriş, facebook-dakı mesajların oxunması. Bu cədvəldə başqa vaxt görülə bilməyən vacib işlər yer alır.
Hər növbəti günün planını öz bloknotunuza yazın. Onu həmişə özünüzlə gəzdirin.
Telefondakı planlayıcı da yaxşı bir variantdır. Lakin unutmayın ki, gülməli itlər və şirin pişiklər üçün telefonla internetə girmək proqram tətbiqini açıb növbəti gün üçün cədvəl qurmaqdan daha asan və daha maraqlıdır. Növbəti günün planını qurmaq üçün telefonunuzu əlinizə alanda diqqətinizin yayınmasına imkan verməyin və telefonu əlinizə nə üçün aldığınızı unutmayın.
Dərsinizi öyrənərkən telefonunuzu kənara qoyun
RescueTime saytı məlumat verir ki, telefonda faydasız işlərə hər gün orta hesabla 3 saat 15 dəqiqə sərf olunur. İstifadəçilərin 20%-dən çoxu isə 4,5 saat sərf edir.
İndisə İnstagram-da nə qədər keçirdiyinizə baxın. Bu vaxtı 50% azaltsanız dərs öyrənməyə vaxtınız olarmı?
Dərs zamanı telefonunuzdan necə qurtulacağınıza dair bir neçə tövsiyə:
1. Plan üzrə ayrılmış 30 dəqiqə ərzində mobil və interneti söndürün.
2. Telefonunuzu başqa bir otağa qoyun. Kilidli bir şkaf varsa, onu şkafın içərisinə yerləşdirib şkafı kilidləyin.
3. Açarı və ya telefonu başqa bir şəxsə verin. Əvvəlcə telefonda "səssiz" rejimini aktivləşdirin.
Telefonunuzun şarjı bitmək üzrə olarsa, dərsinizi öyrənib və ev tapşırığını yerinə yetirib bitirməyənədək telefonunuzu şarj etməyin.
IT kursunda bilik əldə etmək üçün özünüzü ruhlandırın
Rəhbərinizdən kursda bilik əldə etməniz biznes proseslərinə necə kömək edə biləcəyinizi soruşun. Artıq müəyyən biliyiniz varsa, ideya irəli sürməkdən çəkinməyin: hesabatların göndərilməsinin avtomatlaşdırmasını tövsiyə edin, şöbənin işi barədə məlumatları cədvələ daxil edən bir proqram yazın.
Öyrəndiyinizi praktikada tətbiq edin. Sizin dəyəriniz artar: həm özünüz üçün – daha çox bildiyiniz üçün işdən kənarda pul qazanmağa imkan var, həm də rəhbərliyin gözündə – daha çox iş görürsünüz, şirkətə yeni-yeni ideyalar gətirirsiniz, işə gəlməyən sysadminləri və IT mütəxəssislərini əvəz edirsiniz.
“Kompüter qrafikası və dizayn” kursunda oxuyarkən öz şirkətinizdə dizayner olmağa cəhd edin. Və ya “Proqram təminatının tərtib edilməsi” kursunda oxuyarkən şirkətdəki rəhbərinizə iş proseslərinin avtomatlaşdırılması ideyalarından danışın. Şirkətiniz üçün “Python”-da bir proqram yazıb, onun necə işlədiyinə, nəyin əlavə edilməli olduğuna və ya səhvin necə düzəldiləcəyinə diqqət yetirin. Siz həqiqi işlər dolu bir portfolio, təcrübə və yaxşı nəticələr əldə edəcəksiniz.
Kompüter Akademiyasının cədvəli ilə 75 000 tələbənin həm işləməyə, həm də oxumağa vaxtı var. Əminik, siz də onlar kimi ola bilərsiniz!
